Кулга кул тотынышып үттек без гомер юлын,

Бергә тормыш иттек утыз биш ел буе,

Бергә булганда гына шатлык белән үтә һәрбер көнебез,

Бергә булганда гына яктыра күңел таңыбыз

Бергә булыйк, кадерлем, һәр иртә, һәр кичен,

Тормыш итик озак еллар шатлыкларны бүлешеп,

Мәхәббәт учагыбыз сүрелмәсен гелдә,

Яшик әле бергә-бергә гомергә

Кешеләргә өйләр салдың, сөендердең,

Хезмәтеңә сокланабыз һәрвакыт,

Кулыңдагы көчең белән яшәү кордың,

Йөрәгеңдә сабырлык һәм игелек.

Бергә булыйк, кадерлем, һәр иртә, һәр кичен,

Тормыш итик озак еллар шатлыкларны бүлешеп,

Мәхәббәт учагыбыз сүрелмәсен гелдә,

Яшик әле бергә-бергә гомергә