Ин хона қашанг аст, вале хонаи ман нест,

Ин хок чи зебост, вале хоки ватан нест

Он духтари чаҳмобии гесӯйтилоӣ,

Таннози сияҳчашм чу маъшуқаи ман нест.

Он кишвари нав, он ватани донишу санъат,

Ҳаргиз ба дилангезии Эрони куҳан нест.

Дар Машҳаду Язду Қуму Симнону Луристон,

Лутфест, ки дар Калгариву Нису Пекан нест.

Дар домани баҳри Хазару соҳили Гелон,

Мавҷест, ки дар соҳили дарёи Адан нест.

Дар пайкари гулҳои диловези Шамирон,

Атрест, ки дар нофаи оҳуи Хутан нест.

Оворааму хаставу саргаштаву ҳайрон,

Ҳар ҷо ки равам, ҳеч куҷо хонаи ман нест.

Оворагию хонабадӯшӣ чи балоест,

Дардест, ки ҳамтош дар ин дайри куҳан нест.