Ming sinov, ming mashaqqat yutib,

To‘siqlardan, g‘ovlardan o‘tib,

Orzularing qo‘lidan tutib,

Kelishimni kutganmiding ayt?

Telba bo‘lib, devona bo‘lib,

Kulsang kulib, yig‘lasang o‘lib,

Go‘zallar ko‘p, oshig‘ing bo‘lib,

Sevishimni kutganmiding ayt?

Gul sochlari, mushki-anbarim,

Ikki yuzi moxi-sarvarim,

She’rlar qilib, dil izxorlarim,

Yozishimni kutganmiding ayt?

Tong, yuzingdan o‘pgan ziloldan,

Tun, ko‘zingga termulgan oydan,

Ranjima, rashk qilsam birovdan,

Qizg‘onishim kutganmiding ayt?