Бастаан эйиигин көрөөт олус диэн долгуйбутум, кыбыстыбытым.

Тымныы истиэнэҕэ нарын да кыыс өйөнөн турарын бу баар курдук көстөр,

Харах харахха көрөгүттэн харахпын кыбыстан куоттарарым.

Кистээбэппин бастаан харахпар эн хараҕын хатаммыта,

Нарын уоһун наһаа да минньигэс көстүүлээхтэрэ.

Ол барыта билигин да мин сүрэхпин долгутар.

Сүрэҕим аанын арыйбытын

Олоҕум суолун сырдаппыт эн эрэ буолаҕын.

Ол күнү эн биһи кэрэтик да атаарбыппыт,

Онтон ыла олоҕум сибэккитэ эн буоларгын билбитим.

Сүрэҕим аанын арыйан сааскы сырдыгы, сайыҥҥы сылааһы киллэрбитин.

Дьиҥ таптал баарын онно билбитим.

Киэһээ "Спокойной ночи" диэн ыыппыккар олус диэн астыммытым, тапталбар таптал эппиэтэ кэлбитигэр кынаттана түспүтүм.

"Уолаттар, мин таптаатым” диэн табаарыстарбар этэ оҕуспутум.

Түүннэри күнүстэри эн суруйаргын кэтэһэрим,

Нарын куоласкын истээри олус да күүтэрим.