Мамлы.

Коді нӧ лоӧ меддона мортӧн?

Код дінӧ локтам виччысьтӧг, кортӧг?

Кыв шутӧг, тайӧ – медмуса мамыд.

Сысянь ӧд вуджис этшыд да сямыд.

Мамыдлӧн сывйыс медся на шоныд.

Мамыдлӧн нюмысь медся на долыд.

Мый кӧть и, гашкӧ, видыштас коркӧ,

Медводз на-й бӧрддзас, сьӧлӧмыс нор кӧ.

Мамыд кӧ ылын – частӧджык звӧнит.

Видлыны корӧ – котӧрӧн гӧнит.

Мортыд ӧд сё во оз вермы овны.

Быдторйысь лоӧ олӧмад повны.

Мамукъяс, дыр на челядьлы колӧй,

Гӧсьтитныд сідз жӧ частӧджык волӧй.

Внук-внучка серам пальӧдас шогтӧ,

Нюжӧдас олӧм, бурмӧдас ловтӧ.