Жиырма жыл… зулап аққан сағым жылдар,

Балалық шақ алыстаса да сағындырған.

Бір сыныпта бірге күліп, бірге өскен,

Жүректерде сол күндердің ізі қалған.

№18 Бауыржан Момышұлы атындағы мектеп

Алтын ұя — арман қуған мекеніміз,

Достығымыз мәңгі бірге екеніміз.

Қоңырауы құлақта әлі сыңғырлаған,

Бақытты еді мектептегі өткеніміз.

Олимпиада десе біз аттанатын,

Жүлдеменен талай мәрте мақтанатын.

Баскетболға барсақ егер аудан асып,

Жеңіс алып қайтқан күндер шаттанатын.

Сабақ бітіп аулада кеш батқанда,

Гитарамен ән шырқайтын бақтарда.

Арман қуып, жұлдыз санап отырушы ек,

Қиял бізді жетелейтін шақтарда.