Борынгыдан килгән чал тарихлы

Тамьяным-син туган төбәгем

Азга гына айрылсам да синнән

Түзә алмас кебек йөрәгем.

Пугач явы үткән диләр моннан

Акай батыр гаскәр туплаган,

Сәет чокырында киңәш тоткан

Ил ирләре яуга ташланган.

Шифа чишмәң кыйбла якка карап

Тау башыннан ургып юл үтә.

Сандугачлар җәйге иртәләрдә

Әрәмәдә сайрап моң түгә.

Уракчыга дуслар ялга кайта,

Әй ямьләнә елга буйлары.

Кендек каным тамган шушы җирдән

Аерма син мине,ходаем.

Әй,Тамьяным,туган авылым син,

Сиңа кайтам язгы таңнарда.

Ык буйлары,таллар онытылмый,

Кочагына чакырып кайтара.