Дуслар да югала кайчакта,

Тормыш дигән озын юлларда.

Булыр инде төрле замана,

Үргә агар кайчак сулар да.

Бирешмә, сыгылма, елама,

Син ялгызың түгел дөньяда.

Вакыт узып бары яңара,

Башка дустың булыр яныңда.

Егылсаң көч тап син басарга,

Тешең кысып авыр булса да.

Үзең булып кирәк калырга,

Йөрәккәең әрнеп торса да,

Югалганнар өчен кайгырма,

Димәк юлдаш түгелләр сиңа.

Югалткач аң керер аларга,

Тик соң булыр беләм шул чакта.

Ринас Яфизов