Кайларда син әти югалдың?

Нигә безне ташлап калдырдың?

Йөрәгеңдә әти назларын,

Бөтенләйгә җыеп яндырдың.

Әти, әтием минем диеп,

Чит абыйга хәзер дәшәмен.

Үз балам диеп үстергәнгә,

Минем аңа чиксез рәхмәтем .

Син булмадың авыр чакларда,

Мәктәпкә дә син бит җыймадың.

Бәйрәмнәрдә кулымнан тотып,

Син бит әти басып тормадың.

Нигә болай миннән баш тарттың ,

Үз әтисез үсте сабыең.

Олыгайгач ничек карарсың,

Күзләренә нарасыеңның .

Ринас Яфизов