Tushundim hayotning shu ma’nosiga,

Aylandim shekilli zo‘r donosiga,

Dildagi sevgimning eng a’losiga,

Arzisa faqat bir Onam arzirkan...

Armonli yo‘llardan men qochay desam,

Buyuk muhabbatga dil ochay desam,

Kimnidir boshidan gul sochay desam,

Arzisa faqat bir Onam arzirkan...

Ismiga dostonlar boshlamoq uchun,

Ko‘zimni baxtlardan yoshlamoq uchun,

Borimni poyiga tashlamoq uchun,

Arzisa faqat bir Onam arzirkan...

Endi havas qilmam osmon oyiga,

Tushmayman alamlar to‘lgan soyiga,

Bilsam bu ko‘nglimning eng zo‘r joyiga,

Arzisa faqat bir Onam arzirkan...