Жарыммен жадырасам, күлсек деймін

Қәдірін махаббаттың білсек деймін,

Сегіз жыл екеуміз отау құрдық,

Мен қалай тарихтан сыр шертпеймін?

Перизаттай жарыммен бақытты боп,

Ұрпағыммен мың жасап, өрсек деймін,

Сегіз жыл отасқанымыз ештеңе емес,

88-жыл бірге жүрсек деймін,

Арайланып атқанда абат таңым,

Қалаймын мен бақытты таң атқанын,

Төренұр мен Әлинұрдай қос құлыным,

Жаратқан, оңғарса екен талаптарын!

Алла берген қос батырым аман болып,

Қырандай кеңге созсын қанаттарын!