Хъысмæты къух кæмæн цы хуын æрхæсдзæн.

Цы фæндагыл цæудзæн зæххыл фæндаггон,

Кæмæ цы цæстæй царддæттæг æркæсдзæн.

Цæстыныкъуылдмæ сау бæллæх æрцæуы,

Æзнæтæй 'скалы хахуыргæнæг марг.

Кæйдæр хъыгыл кæлмхæрд уд худгæ райы,

Цыргъ хъамайау фыдцæф кæны æвзаг.

Æввонгхортæ æппыныдзухæй домынц,

Сæ хæдзæртты сæ зæххытæ æгуыст.

Кæйдæр бæркад хæлæггæнгæ нымайынц,

Сæ сау зæрдæтæй ивылы æлгъыст.

Къуымых зондæй цыдæр дам- думтæ луарынц,

Ферох кодтой хидарыны уаг.

Хъыджы бон дæр сæ хахуыртæ нæ уадзынц,

Нæ cæм кæсы æвирхъау хабар фаг.